Жігіттер мерекелеріңізбен.
Біздің жігіттер.
Маржан Әлімжанқызы.
Біздің,
Біздің жігіттер,
Жігіттердің төресі.
Өрлей тұғын,
Өр өнердің өресі.
Сегіз қырлы,
Бір сырлы боп келетін,
Бұл жігіттер,
Серілердің серкесі.
Бұл жігіттер,
Әрбір үйдің мырзасы.
Сынаптайын,
Сырға бейім сырбазы.
Қазақ дейтін,
Киелі ұлттың ұрпағы,
Бұл жігіттер,
Тұлғалардың тұнбасы.
Бұл жігіттер,
Жанартаудың жартасы,
Хантәңірмен,
Алатаудың арқасы.
Сұлу сезім,
Сырға толы керемет.
Біл жігіттер,
Махаббаттың марқасы.
Бұл жігіттер,
Әкеміз де ағамыз,
Қиналғанда,
Қамқоршымыз,
Панамыз.
Жарымызда,
Інімізде жігіттер,
Атамыз да,
Ақыл айтар данамыз.
Бұл жігіттер,
Елдің ері, батырлар,
Дұшпанға да,
Дес бермеген батылдар.
Қазағымның атын,
Көкке танытқан,
Жұлдыздарың,
Жасындайын жарқылдар.
Бұл жігіттер,
Ұлылардың ұрпағы,
Бұл жігіттер,
Ер біткеннің сұлтаны.
Бұл жігіттер,
Бар іске дес бермеген,
Танадайын,
Тыпыршыған тұлпары.
Бұл жігіттер,
Отбасының мәні екен,
Сұлулардың,
Сайыпқыран сәні екен.
Қазағымның жігіттері марқасқа,
Ар-намысың,
Биік болсын мәртебең.