Өмір осы …
Бірде - шаттық .
Бірде - мұң .
Көз ашқалы күндегің сол , түндегің .
Сезімсізге соқыр тиын тұрмайды
Сенің жиып , теріп , көрген , білгенің .
Біреуге - мал ,
Біреулерге - жан қайғы .
Сыйлы болсаң сәлемінен танбайды .
Құман алып су құйғандар күні ертең
Қабыпыңның басына еріп бармайды .
Қонақ қылып шақырасың барды асып .
Ен саласың , төрт түлікті таңдатып .
Атты болсаң амандасып алыстан
жаяу жүрсең өте шығар шаңдатып .
Безінгендер бұл өмірдің салтынан
Именбейді әйел , жасы , қартыңнан.
Мұң тұнғанда маңайыңа жоламай ,
Бір туған боп шыға келер артынан .
Өмір осы …
Сүрінесің , құлайсың .
Сәл нәрсеге шаттанасың , жылайсың…
Бәрін күтіп , бәрін күтіп Ертеңнен
Дәмің бітіп , үзілгенше шыдайсың .
Өмір осы !
Өмір осы , жақыным !
Біраз сырды бүкпей айтты ақының ,
Аз ғұмырда азулыға алдырмай
Ақырын жүр !
Ақырын жүр !!
Ақырын !!!
Мұнар
